Premier League : nouvèl règ kont gadyen ki fè kòmsi yo blese pou 2025-26

Premier League pral teste yon nouvèl règ nan sezon 2025-26 la kont gadyen ki fè kòmsi yo blese pou kase ritm match la. Depi lontan, lè yon ekip ap mennen nan dènye minit yo, li rive souvan gadyen an tonbe atè, fè kòmsi li pa ka leve, epi tout doktè antre sou teren an. Sa fè match la pèdi anpil tan epi sa anpeche lòt ekip la jwe. Avèk nouvèl règ sa a, abit yo pral gen plis pouvwa pou aji lè yo wè yon gadyen ap simile. Match la ka rekòmanse pi vit e gadyen an ka resevwa sanksyon. Lide a se pwoteje tan jwèt reyèl la epi asire yon konpetisyon ki pi jis. Sa a se yon lòt etap nan batay kont pèdi tan nan foutbòl la. Apre yo te rallonge tan siplemantè nan Mondyal 2022 la, otorite yo kontinye chèche solisyon pou match yo vin pi dinamik. Si eksperyans Premier League la mache byen, lòt chanpyona ka swiv menm wout la. Pou moun k ap suiv foutbòl anglè a, règ sa a kapab chanje rezilta match yo nan dènye minit kote chak segonn konte.